Stryper Oz Fox-in thluak zai a hmabak

Stryper guitarist Oz Fox chu tunhnai kum eng emaw zat chu a hriselna avangin a buai tawh a, kum 2018-ah ringawt pawh khan a thluaka bawk awm vangin vawi hnih nghawt zai a tawk.

A thluaka bawk awm hi a len belh zel avangin zai a la ngai leh dawn a, Fox chuan amah enkawltu mi ṭha tak tak an awm thu leh doctor thiam tak takte'n an enkawl tih a sawi a, an zai dan tur chungchang kimchang takte pawh a sawi lang bawk.

Kum 2018 khan a band Sin City Sinner-te nena stage-a an perform laiin a kaih a, heta ṭang hian a tluakah bawk a awm tih hriat chhuah a ni. Nikum October thla khan a kaih leh avangin damdawi-in panpui leh a ni a, hetah hian a lua bawk awm hi doctor-te chuan paih a ṭul dawn thu an sawi a; a a beng bulah leh a thluak hnung lamah bawk hi a awm niin an sawi.