The Blacklist season 9 a awm dawn

Crime thriller television series lar 'The Blacklist' chu season 9 tihchhuah chhunzawm a ni dawn a, NBC-ah bawk pek chhuak leh a ni ang.

'The Blacklist' hi tunah hian season 8 a kal mek a, nikum November thlaah khan season 8 episode hmasa pahnih tihchhuah tawh niin Zitawpni liam ta khan episode thumna pek chhuak leh a ni. Episode 1 leh 2 kha premiere a nih khan mi maktaduai 7.5 velin an en anga chhut a ni.

James Spader, Megan Boone, Diego Klattenhoff, Amir Arison, Hisham Tawfiq, Laura Sohn leh Harry Lennix-te channa 'The Blacklist' hi September 23, 2013 aṭang khan NBC-ah hian pek chhuah a ni a, season chhuak tawh zawng zawng hian fak an hlawh ṭhin hle.