Hnam lâm thiam ber - T Romana College

Mizo Zirlai Pawl Gen.Hqrs.-in Zarkawt Recreation Centre-a Inter-College Folk Dance Competition an buatsaih chu August 30, Zirtawpni khan zawh a ni a, a khârna inkhawm chu Art & Culture minister R Lalzirliana'n a hmanpui. T Romana College chu college zinga hnam làm thiam ber an ni.

Inter-College Folk Dance Competition-ah hian college pakua telin T Romana College pakhat an ni a, Mizoram University pahnihna niin, pathumna chu Pachhunga University College an ni. Pakhatnain Rs. 20,000, pahnihnain Rs. 15,000 leh pathumnain Rs. 10,000 an dawng a, intihsiaknaa tel zawng zawng hnenah Rs. 2,000 leh Aizawl páwn aṭanga telte'n Rs. 10,000 ṭheuh an dawng bawk.