Pathian fakin Justin Bieber biak-inah a zai

Beverly Hills Churchome hmunah Nilaini liam ta zan inkhawmnaah Justin Bieber chu tihtak zetin stage-ah Pathian fakin a zai. 

Marvin Sapp-a hla 'Never Would Have Made It' tih chu Bieber hian thinlung leh tih takzetin a sak thu mita hmutute chuan an sawi. An zinga musician pakhat chuan a ṭap hial tih a sawi bawk. 

Mipuite chuan concert-ah an ngai ang tih a hlauh avangin, stage-a han zai meuh chu a huphurh hle a ni. A zaina video hi hmuhtheihin a Instagram-ah a post.  

"Tun kum 2 kal ta kha ka hun tawna harsatna lian tham tak ka tawh hun a ni. Pathianin harsatna hmunah min dah a, harsatna hmuna Isua rin hi thil har tak a ni. Heng hun harsa tak min paltlang tir avangin Pathian chungah ka lawm em em a, Bible chuan 'thlemna tinreng in tawh hunin lawmna hlirah ngai rawh u', tiin min fuih a ni. Hun harsa kan tawn laia Pathian fak leh lawmthu sawi theih aia thiltihtheihna nasa a awm lo. Harsatna in tawk a nih pawhin chu harsatna chu a awm reng lo ang tiin mahni kan infuih ṭhin tur a ni," tiin kalkhawmte hmaah Bieber chuan a sawi.