UPSC Challenge Inter College Quiz Competition 2019 Zaninah Final

Mizo Students Union (MSU)-in Mizo zingah kum tam tak UPSC exam buatsaih, Central Civil Service a tling an awm theih tak loh avanga zirlaite leh ṭhalaite chona siamna atana a buatsaih UPSC Challenge Inter College Quiz Competition 2019 Final chu zanin dar 8-ah hian IGNITE STUDIO, Khatla-ah neih a ni dawn.

Final-ah hian Govt. Serchhip College leh Pachhunga University College-te an intum dawn a, boruak a sang hle ang. Inter College Quiz Competition 2019 hi August 20 khan ṭan a ni a, College 14 telin tunah hian Serchhip College leh PUC-te chiah hi an dam tawh a ni.

Finalist pakhat zawk Serchhip college-te hi MPSC Challenge Inter College Quiz buatsaih hmasak ber 2016 khan finalist niin, Final-ah Champhai College an hneh lo a kuminah erawh Semi final-ah Champhai an hneh thung.

Pachhunga University college hi MPSC Challenge Inter College Quiz neih hnuhnung ber 2018 khan Finalist an ni ve thung a, Final-ah hian HBC an hneh lo a, kuminah erawh Semi Final-ah DIET, Aizawl an hneh thung. UPSC Challenge Inter College Quiz  Com­petition 2019 Final in­tih­siakna hi LPS 1 leh ZONET ZAWLBUK-ah zanin dar 8 aṭang hian Live-in an pechhuak ang.