Jonas Brothers-in damdawi-inah an 'fan' damlo tlawh

Jonas Brothers-te chuan kar kal ta Inrinni-a Hersey, Pennsylvania-a concert an neih hmain damdawi-inah an 'fan', damlohna avanga an concert chhim thei lo tur chu an tlawh hmasa.  

Tleirawl Lily Jordan chuan Nick, Joe leh Kevin-ten Hershey Park stadium-a concert an neih turah kal ve ngei a tum a, mahse chemotherapy lak a ngaih leh tak avangin a kal thei ta lo a ni. Hei vang hian social media lamah Jonas

Brothers-te chu damdawi-inah tlawh turin a sawm a, a thu post hi mi tam takin an share a, share tu zingah hian state congressman Scott Perry pawh a tel.

Jordan thu post an hmuh hnuah, Jonas  Brothers-te hian concert an neih hmain Penn State Children's Hospital-ah an va tlawh a, Nick Jonas nupui Priyanka Chopra-i'n a zui ve bawk. Hospital chuan Jonas Brothers-ten Jordan an tlawh lai hi online lamah an share zui nghal a ni. Jordan chuan a duhthusam tihhlawhtlin sak a ni chu a lawm thu a sawi nasa hle a, a theihnghilh thei tawh dawn lo tih a sawi a ni.