MDM-in Million Views Silver Award hlan

22nd February, 2020

Music Domain Mizoram (MDM) chuan Ningani zanah khan an member-te pual liau liauin HYVE Hall-ah Circle of Music Meet II an nei a, hun ṭha tak an hmang. MDM Executive Committee member Adama chuan programme kaihruaiin Lalrinmawia, Bawngkawn chuan hun a hmanpui a ni.

He hunah hian MDM YouTube channel hmanga thlirtu ngah mi nuai sawm chin chunglam nei member palite hnenah MDM Million views Silver Award an hlan.

MDM hian an Library-a in-register member-te hnenah tun thleng hian Library Royalty Rs. 26,80,158 leh YouTube Royalty - Rs. 6,49,295 (Vawi 11 sem chhuah tawhah) a vaiin Rs. 33,29,453 an sem chhuak tawh a ni.

Member an ngah chho ve zel a, Aizawlah chiah office nei mah se member 700 vel an nei tawh. MDM YouTube channel hian subscriber 2,60,000 a nei mek a, subscriber tam vanga khawvela YouTube enkawltute'n an pek ṭhin Silver Button pawh nikum khan an dawng tawh bawk.