Korean actor Ji Chang-wook-a'n YouTube Channel siam

South Korean actor, Ji Chang-Wook chuan YouTube Channel a siam ve ta. 

September 1 khan kum 32 mi, Ji Chang-Wook hian a channel-ah hian video a upload a, darkar 24 pawh tling loah view 140,000 a nei tling nghal. 

K-drama lar tak, Suspicious Partner leh Healer a changtu, Ji hian YouTube Channel a siam chhan chu a fan-te nen inpawhna ṭha zawk an neih theihna tur a nih thu a sawi. Amah ngei pawhin YouTube a en nasat ṭhin thu sawiin, a chanchin hrang hrangte a fan-te hnena hriattirna atana platform ṭha taka a ngaih thu a sawi. 

Ji Chang-Wook hian military service a zo fel chiah a, film lamah a inhmang zui leh nghal a ni. Drama thar, Melting Me Softly ah Won Jin-Ah nen an chang dawn a, September 29 hian he drama hi KST leh tvN ah premier a ni ang.