Julie Andrews-i'n lifetime achievement award dawng

"Mary Poppins" leh "The Sound of Music" star, Julie Andrews chu Thawhṭanni khan Venice Film Festival-ah lifetime achievement award hlan a ni. 

Kum 83 mi, Julie Andrews hian kum 1965 khan nanny Mary Poppins lem a chan vang hian Oscar a lo dawng tawh a ni. "Mary Poppins" hian international star-ah a hlangkai a, hemi  hnu hian film hrang hrangah chang zuiin, a channa zingah hian "Victor/Victoria" leh "The Princess Diaries"-te pawh an tel. Kum 2018 blockbluster "Aquaman"-ah khan a aw a thawh bawk.