Rev. Dr. Ngurthanpara lehkhabu a chhuak

Rev. Dr. Ngurthanpara Sailo lehkhabu ziah, ramthim rawngbawlna lam hawi, "Dak ula, lote en r'u," tih chu nimin khan Mizoram UPC general superintendent Rev C. Lalremsanga chuan a tlangzarh.

Mizoram UPC Conference Hall, Tuikhuahtlanga tlangzarhna hunah hian Rev. Remsanga chuan lehkhabu chu rawngbawl zel tur ṭhalaite tan puitu ṭha tak a nih a beisei thu a sawi. "Dak ula, lote en r'u," tih lehkhabu hi Mizoram UPC kohhranten ramthim rawngbawlna lam an luhchilh dan ziahna, chanchin ngaihnawm leh beng verh tak tak dah khawmna a ni a, chhiar a manhla hle. 

Ramthim rawngbawlna lama hun tam tak lo hmang tawh Rev. Ngurthanpara hian a lehkhabuah hian rawngbawlna lama tui mi ṭhalaite tana rawngbawl dan leh ring lo mi, Pathian thutak la hre lote hneh theih dan pawh tam tak a ziak tel a, Pathian rawngbawlna lam tui mi ṭhalaite tan chuan inzirna ṭha tak lehkhabu a ni. 

Rev. Dr. Ngurthanpara lehkhabu hi Aizawl khawpuia lehkhabu dawr hrang hrangah lei theih tura chhawpchhuah a ni a, dawr ak zingah lei tur a awm bawk.