Netflix original series 'Bridgerton'-in entu a ngah ber

Regency-era London roman-tic drama series 'Bridgerton' chu Netflix original series zinga entu ngah chak ber a ni tih Netflix chuan an tarlang.

Tlangzarh a nih aṭanga ni 28 chhung lekin 'Bridgerton' hi chhungkaw maktaduai 82 velin an en anga chhut a ni a, ram 83 Netflix daily 'Top 10' list-ah pakhatna a ni pha hial a, chung zingah chuan India, US leh UK-te pawh an tel. Netlix-in top 10 list a siamna zawng zawng, Japan tih lohah chuan top 10-ah a lang vek bawk.

The Queen's Gambit ang bawk khan a series hlawhtlinna avang hian a lehkhabu pawhin hralh a kal phah hle a,  New York Times bestseller list-ah a inhlangkai hial. Henry Cavill channa The Witcher kha Netflix original series zinga kar li chhunga entu ngah ber a ni a, Netflix subscriber mtd 76 velin an en a, Bridgerton chuan he record hi a rawn khum ta a ni. 

The Witcher hi kum 2019 December-a tlangzarh kha niin Bridgerton hi kum khat hnu, nikum December thlaa tlangzarh kha a ni thung a, Covid-19 vanga mi tam ber kan inkhung avangin nikum chhung khan Netflix hian subscriber an neih belh nasa hle a, chuvang chuan The Witcher record lo siam tawh hi harsa lutuk loin a khum thei niin a lang. Bridgerton hi season 2 tih-chhuah leh a ni dawn tih a chiang tawh bawk.