Golden Globe Awards 2020 Best Actor-ah Joaquin Phoenix
Film leh Television show lama award ngaihhlut 77th Golden Globe Awards, Golden Globe Awards 2020 chu The Beverly Hilton, Beverly Hills, California-ah Pathianni khan sem niin, NBC chuan live-in a pechhuak a ni. Ricky Gervais chuan a ṭumngana turin a host leh bawk.
1917-in Best Picture a dawng a, Renée Zellweger chuan best actress dawngin Joker role thiam taka changtu Joaquin Phoenix chuan best actor a dawng thung. Phoenix hian award a dawn paha thu a sawinaah sik leh sa inthlak danglam chungchangte a sawilang a, celebrity kalkhawmte chu an private jet hmang tlem turin a chah bawk a ni.
Russell Crowe hnenah best acting award hlan a ni a, mahse Australia-ah a awm avangin award semnaah hian a tel thei lo.