Spotify active user an pung

Kum 2008-a din music streaming platform lar Spo­tify chuan active user an neih belh zel a, maktaduai 200 zet an tling tawh. 

Swedish company hian nikum November thla kha chuan active user hi maktaduai 190 vel an nei a, tun hnaiah maktaduai 10 vel zetin an pung a ni. 

Spotify hi khawvela music streaming platform lar leh ṭhangduang ber a ni mek a, subscriber pawh an ngah fal hle. Spotify hian subscriber maktaduai 87 zet an nei a, anmahni hnaih bertu Apple Music chuan maktaduai 65 an nei thung. 

Apple Music hi kum 2015 khan din a ni a, thla khatah user maktaduai khat vel zel awm belh anga chhut a ni. Spotify tluk tum hian nasa takin an bei a, an inthlauhna pawh a tlem sawt viau a ni. Apple Music hian nikum September thla khan Shazam chu $mtd 400 zetin an lei a, hei hian nasa takin a vawrh a ni.