Harry Styles leh model Kiko an in date?

British singer Harry Styles leh American-Ja­panese model Kiko Mi­zuhara-te chu sawi­zawm mek an ni a, tun hnai khan Tokyo-ah an in 'date' niin khawthlang media-te chuan an sawi. 

Harry Styles hian tun hnaiah Tokyo a tlawh fo a, Kiko nen hian an inhmu zing hle niin an sawi. An chanchin hian ngaihven a hlawh a, mipui mitfukna ber pakhat an ni mek. 

Kum 28 mi Kiko hi Dallas-a piang a ni a, mahse Japan-ah a khaw­sa tam zawk. US leh Japan khua leh tui nihna neikawp niin, modeling bakah lemchan leh zai lam­ah pawh hriat a hlawh hle. Harry Styles (24) nen hian Italian luxury brand Gucci tana a campaign-naah an intawng niin an sawi. 

Harry hi nikum July thla khan American-French model Camille Rowe nen an inṭhen a, kum khat vel chauh an inzui hman a ni. Camille Rowe hi kum 29 mi lai a ni tawh a, tun ṭuma an sawizawm Kiko pawh hi amah aia upa tho a ni. 

Harry Styles hian tun hmain - Kendall Jenner, Taylor Swift leh Caroline Flack-te chu a lo nihpui tawh bawk.