Kanye West inhnukdawk

Coachella festival-a perform tur zinga mi American rapper Kanye West chu a buatsaihtute nen an duhdan a inrem theih loh avangin a inhnukdawk. 

Kanye West hian festival neihna hmun tur Empire Polo Fields, Indio, California-ah stage sak belh a rawt a, mahse a buatsaihtute lamin an remtih sak lo. 'Stronger' hitmaker hian Coachella festival co-founder Paul Tollett hnenah a duhdan te hi thlenin, stage chu perform nan a len tawk lo thu a sawi. Mahse hei hi festival buastaihtute lam chuan an pawmpui loh avangin American rapper hi a inhukdawk ta zawk a ni. 

Festival buatsaihtute chuan an stage chu a len tawk thu leh, North America-ah pawh a lian ber pawl a nih thu an sawi. He stage-ah tho hian Beyonce leh Lady Gaga te chu an mahni ṭawiawmtu dancer 100 te nen duh thala an lo perform tawh thu sawiin, siam ṭhat tumna an nei loh thu an puang a ni. 

Khawvela music festival lian ber pawl, Coachella Festival hi April 12-21 chhung khian California-ah neih a ni ang.