Brie leh Alex-ten inhualna titawp

Captain Marvel star Brie Larson leh American musician Alex Greenwald-te chuan an inhual aṭanga kum hnih hnuah an inṭhen thu Inrinni khan an puang. 

Brie Larson leh Alex Greenwald-te hi kum nga zet an inzui hman a, innei mai tur anga ngaih an ni. Rin ang ngawtin thil a kaltluang hauh lo a, mi­pui hriata an inhual thu an puan aṭanga kum hnih hnu­ah an inṭhen thu an puan a ngai leh ta zawk a ni. 

American actress Brie Larson (29) leh kum 39 mi Alex Greenwald-te hi kum 2013 khan an intawng a, an inzui ngawrh hle. Kum 2016, March thla khan an inhual thu an puang leh a, mahse 'tiam tlat e' an tih hmain an inṭhen leh ta a ni. 

Captain Marvel-a a changtunu ber Brie Larson hi tunlai film star zingah chuan hriat hlawh berte zinga mi a ni a, chawi­mawi­na hrang hrang pawh a dawng hnem tawh hle a ni.