Kum thara inlar hmasa ber Stacy VL Muanpuii
Stacy VL Muanpuii chuan 'Thlen ka nghakhlel' tih hla hmangin Hontrade International Ṭhazual Fakna chart-ah No.1 a hauh a, Fakna chart bikah kumina dinhmun sang ber luah hmasa ber a ni.
Stacy hi Sawmtea leh Henry Varte-ten an dawt a, Mizo Idol star Malsawmdawngkimi leh Rualthansanga Khiangte-te chu top 5-ah an inhlangkai bawk.
Stacy a vul
Mizo hmeichhe zaithiam zinga hriat hlawh berte zinga mi Stacy hi hun eng emaw chen chu a reh deuh vang vang a, nikum aṭang khan a rawn inlar ṭan leh tawh. A Album a buaipui mek ami hla pahnih - Kan hneh zel dawn leh Thlen ka nghakhlel-te a tichhuak a, Thlen ka nghakhlel hi pakhatna a rawn nihpui ta a ni.
Stacy hi Ṭhazual Award 2018-ah Best Female Artist Gospel atan thlan a ni a, a perform bawk. A hla hit 'Thlen ka nghakhlel' hi gospel singer lar leh hlawhtling Andrew Laltlankima phuah niin, tunlai fakna hla thlan hlawh ber a ni.
A music video nalh tak mai hi Siama (SVP) kutchhuak niin, soundtrack hi The Prophets guitarist, Eric Renza siamsak a ni a, Blue Wave Records-a record a ni.
Tun ṭum chart-ah hian Sawmtea chuan 'Ka awin Pathian chu ka au va' tih hla hmangin pahnihna a hauh a, pathumna chu Henry Varte a ni. Henry Varte hi 'A sawm che' tih hla hmangin top 3-ah a inhlangkai a ni.
Kolasib nula Malsawmdawngkimi chu palina-ah awmin, Rualthansanga Khiangte leh Mizo Idol star Peter Lalnunpuia-ten an dawt. Ṭhazual Award 2018-a perform Jennie Lalruatfeli chu pasarihna a ni a, Sangtei Renza hmel hmuh tur a awm bawk.
Vawi eng emaw zat pakhatna lo ni tawh Grace Lalchhanhimi chu pakuana-ah awmin, Lalremruata Fanai chu top 10-ah a inhlangkai bawk.
Hontrade International Ṭhazual Fakna Top 10
1. Stacy V.L. Muanpuii - Thlen ka nghakhlel
2. Sawmtea - Ka awin Pathian chu ka auva
3. Henry Varte - A sawm che
4. Malsawmdawngkimi - A hnen pan la
5. Rualthansanga Khiangte - Hal loin
6. Peter Lalnunpuia - Tlang lamah khian
7. Jennie Lalruatfeli - Thuneihna I ta
8. Sangtei Renza - Malsawmna
9. Grace Lalchhanhimi - Rinna mitin ka thlir thin
10. Lalremruata Fanai - Krista Thisen