Accidental Prime Minister hralh a kal

January 11 khan US-ah film pakhat tlangzarh a ni a, a hming chu Accidental Prime Minister a ni. He drama/political film hi India politics behchhana siam niin, PM hlui Manmohan Singh chanchin tarlanna a ni. 

Accidental Prime Minis­ter hi tunlai Bollywood film chhuak thar zingah chuan ngaihven hlawh berte zinga mi a ni a, sum pawh a lalut hnem tawh hle. Tlangzarh niin vaibelchhe li chuang zet a lalut thei a, hmun hrang hrangah chhuah chhoh mek zel a ni bawk. 

He film-ah hian Film and Television Institute of India chairman hlui, Anupam Kher chu Manmohan Singh lemah a chang a, Indian actor hi a talent ṭhat zia hai rual a ni lo. Ani bakah hian Akshaye Khanna, Aahana Kumra, Arjun Mathur leh German actress Suzanne Bernert-te an inlan bawk a, Indian film producer lar Vijay Ratnakar Gutte chu director a ni. 

Hetih lai hian film expert-te chuan Accidental Prime Minister hian beisei a phak lo niin an sawi thung a, Indian Express film critic Shubhra Gupta pawhin a kap zauh bawk.