Gucci fakna-ah Del Rey leh Leto

American singer Lana Del Rey leh actor/singer Jared Leto-te chu Gucci Guilty Fragrance fakna-ah an inlan dun a, mit an tlung hle. Del Rey leh Leto te hi video clip-ah hian ramsa chi hrang hrangin an hual vel a, an fakna siam hi a hlawhtling viau dawn a nih hmel. 

Kum 33 mi Del Rey leh Jared Leto (47)-te hian nikum khan Gucci Guilty hi an zawm a, inremna eng emaw zat an ziak. Chung zingah chuan company tana fakna siam pawh telin, ke an penchhuak ta a ni. Video clip-ah hian sakei, rul leh ostrich-te chuan an hual vel a, an thuam inbelah pawh nungcha kaihhnawih an tarlang hnem hle a ni. 

Lana Del Rey leh Jared Leto-te hi nikum khan Met Gala-ah an lo inlan dun tawh bawk a, ‘Heavenly Bodies: Fashion and the Catholic Imagination’ theme hmangin an inchei a ni. 

'Love' singer Del Rey hian album thar ‘Norman Fucking Rockwell’ chu a buaipui mek bawk a, kumin chhunga tihchhuah tur a ni. A album thar tur aṭang hian single pahnih - Venice Bitch leh Mariners Apartment Complex-te chu a lo tichhuak tawh a ni.