Drake-a'n Las Vegas lam a hawi

Canadian rapper lar Drake chuan Las Vegas aṭangin sum tam tak hlawh tura sawmna a dawng a, a pan dawn niin khawthlang media-te chuan an tarlang. 

'In My Feelings' hitmaker hi XS Nightclub chuan $mtd 25 hlawh turin an sawm a, inremna pawh an ziak tawh niin an tarlang. An inremna ang chuan Drake hian kum hnih chhungin XS Nightclub, Las Vegas-ah show ṭum 12 a nei dawn a, hetaṭang hian $mtd 25 a hlawh dawn a ni.

 

Drake hian hemi chungchang hi tun hnaia Las Vegas-a a inlan ṭumin a lo sawichhuak zauh tawh a, "Las Vegas-ah hian ka lo kir leh dawn a ni, chutih hunah chuan min hmuhna hun remchang vawi tak tak innei ang" tiin a sawi a, XS Nightclub nen hian an inzawm ngei tih a chiang hle. 

XS Nightclub hian artist lar tak tak -  The Chainsmokers, Diplo, Dillon Francis, Marshmello leh David Guetta-te pawh an lo ko kal tawh a, Drake pawh hi a chiangah ngaih a ni. Canadian rapper hi Las Vegas-ah hian hun rei zawk khawsak a tum a nih hmel a, in lei tur a melh mek niin an tarlang bawk.