April 14 aṭangin Game of Thrones

Game of Thrones ngai­natute tan thu lawmawm a awm leh ta a, final season chu April 14 aṭangin pek­chhuah a ni leh dawn ta. 

HBO chuan nikum khan final season chhuah ṭan hun hi an tarlang tawh a, a ni tur tak erawh a chiang mai lo. Hun rei tak an inrinsiak nak nak hnuah tun hnai khan an rawn tichiang ta a, April 14-ah episode hmasa ber tichhuah a ni ang. Hei hi GoT fan-te tan chuan thu lawmawm tak a ni ngei anga, an nghakhlel tawh khawp ang le. 

Season 8 leh a tawpna ber ni tawh turah hian episode ruk a awm dawn a, episode khat hi minute 90 vel zel a ni ang. Episode khat chan nan hian $mtd 15 vel zel sen a ni a, en a manhla leh viau dawn a ni. 

American fantasy drama television serial lar Game of Thrones (GoT) hi kum 2018 chhung khan tihchhuah a ni lo a, heti chung hian TV show lar ber atan thlan a ni tho. He hian GoT nep loh zia leh mipuiin an ngainat zia a tichiang hle a ni.