Rolling Stones inlar dawn

English rock band lar Rolling Stones-te chu April thla-a neih tur, New Orleans Jazz & Heritage Festival-ah an perform dawn. Jazz Fest an tih bawkah hian zaithiam lar leh khawvel huapa band lar takte an che dawn a, chung zingah chuan Rolling Stones pawh hi an tel a ni. Katy Perry pawh perform tur zingah hian a tel a, a boaruak a lian viau dawn a ni. 

Jazz Fest hi a kum 50-na tur a ni dawn a, ṭum dang aiin a borak pawh a lian dawn a ni. Rol­ling Stones-te inlan tur ringawt pawh hi a lian tawh a, Katy Perry, Dave Matthews Band, Jimmy Buffett, country singer Chris Stapleton, Bob Seger leh The Silver Bullet Band-te an la awm cheu avangin a nep dawn lo. Festival hian kar hnih chhung a awh dawn a ni.