Dolores O'Riordan pualin Cranberries-ten album tichhuak dawn

Irish rock band lar Cranberries chuan an vocalist famta Dolores O'Riordan pualin album an tichhuak dawn tih an piang. Dolores O'Riordan hi nikum January 15 khan a boral a ni. 

Cranberries hian an vocalist thihchham khan thuchhuah hi an siam a, Dolores O’Riordan puala album an tichhuah tur thu an sawi. An album thar leh huhnung ber ni tawh tur hi 'In The End' tih a ni a, April 26-ah tlangzarh a ni ang. He album-ah hian hla 11 a awm dawn a, Dolores O'Riordan dam laia an record sa ṭhenkhat pawh an telh dawn a ni. 

January 15 kha Irish singer Dolores O'­Rior­­dan thihchham kum­khatna chiah a ni a, amah ngaisangtu mi tam tak chuan a pualin hun an buatsaih a ni. Hemi denchhen hian Cranberries pawh hian album an tichhuah tur hi an puang a, Dolores O'Riordan sunna thu an tarlang bawk. 

Cranberries vocalist Dolores O'Riordan hi ni­kum January 15 khan London-ah thia hmuh a ni a, hetih lai hian kum 46 mi chauh a ni. Mahni intihlum nia ngaih ni mah se, an chhui chian hnuah tuia tla hlum niin an tarlang a ni.