Maren Morris hla thar 'Girl'

American country music singer Maren Morris chuan a hla thar 'Girl' tih chu Nilaini khan a tichhuak a, country radio lamah pawh tichhuah ve nghal a ni. 

'My Church' singer hian a hla thar chungchang hi social media kaltlangin a tarlang a, fan te an phur hle. He hla hi a studio album pahnihna ami niin, album a buaipui mek thu pawh a sawi lang. Kum 28 mi Maren Morris hian nikum November thla khan hla thar a tihchhuah tur chungchang hi a lo sawi tawh a, kan nghak chhuak ta a ni. 

Morris hian nikum khan Zedd leh Grey te thawhpuiin 'The Middle' an tichhuak a, a hit rem rem hle. Billboard Hot 100 chart-ah top 10 hial a kai a, Morris  tan bik phei chuan he hunga a inhlankai ṭum khatna a ni nghe nghe. 

Maren Morris hi February thla-a sem tur Grammy Award-ah pawh Record of the Year dawng thei tura chawpchhuah zingah a tel a ni.