GQ awards dawngtu zingah David Beckham

5th September, 2019

England national team captain hlui, David Beckham chu GQ Men of the Year Awards dawngtu zingah a tel.

Kum 2013-a professional football chawlhsan ta, Manchester United leh Real Madrid ahte lo khel tawh, David Beckham hi kum 20 chuang sports lama a service ṭhat avangin Editor's Special Award hlan a ni.

GQ Awards hi Thawhlehni khan London-ah sem a ni a, Australian actress Nicole Kidman chu Actress Award hlan a ni a, Welsh actor Taron Egerton chu Actor Award hlan niin, Australian singer leh actress Kylie Minogue chu magazine Icon Award pek a ni bawk.

Kum 72 mi, singer leh song-writer Iggy Pop chu GQ Lifetime Achievement Award hlan niin, climate activist kum 16 mi Greta Thunberg chuan Game Changer Award a dawng bawk a ni.