Avicii hriatrengna concert buatsaih dawn

Swedish DJ, electronic musician lar Avicii hriatrengna concert chu Sweden khawpui Stockholm-a Friends Arena-ah December 5 hian neih a ni dawn.

Avicii hriatrengna concert-ah hian Adam Lambert, Rita Ora, Aloe Blacc leh David Guetta -te chu an zai dawn tih a chiang tawh. Avicii tia kan hriat lar Tim Bergling hriatrengna concert neih turah hian 'Mental Health Awareness' neih a ni pah dawn bawk. Avicii hian rilru lama harsatna a neih avangin kum 2016 khan a tour pawh chhung zawm thei loin a chawlhsan. Vanduaithlak takin nikum April 20 khan Oman khawpui Muscat hotel room-ah mahni inthihluma hmuh a ni.

Tim Bergling hriatrengna concert neih tur hi Avicii Tribute Concert tih a ni a, ticket hi nimin aṭang khan zawrh chhuah ṭan a ni. 'The Tim Bergling Foundation' chuan he concert neih tur hi an produce ang. Khawvel hriata DJ lar tak tak Guetta, Kygo, Dimitri Vegas & Like Mike, Laidback Luke leh Nicky Romero -te chu he hunah hian an inlan bawk ang.

'The Tim Bergling Foundation' hi Avicii-a chhungte din a ni a, mahni intihlum leh rilru lama hrasatna neite tan theih tawpin he pawl hian hma a la a ni. Heng an hmalakna bakah hian khawvel lum zel venthawnna lamah leh, environment ṭhatna atan pawh he pawl hian hmalak a nei tawh bawk.