Kelly Clarkson-i'n Talk show buatsaih dawn

American Idol hmasa ber, Kelly Clarkson chuan TV talk show a nei ve dawn ta. 

'The Kelly Clarkson Show' hi karleh Thawhṭanni hian Comcast Corp's NBC-ah tihchhuah a ni dawn a, an ram huna chawhnu lamah tihchhuah ṭhin a ni ang. He show hi music, celebrity leh mi narante inpawlhna tur a ni tih a sawi. 

Grammy winner, 'The Voice' mentor Clarkson chuan a show hi mipuiten an hlimpui a, hun nuam tak an hman theih phahna a nih a beisei thu a sawi. Kum 2002-a American Idol season hmasa bera a inlan hma khan Clarkson hi cocktail waitress a ni ṭhin. Mipui nawlpuiin TV show host atana an duh ang chu a ni kher lo maithei a, mahse show danglam tak buatsaih erawh a tum tih a sawi. A show tinah hian a hawnna atan zaithiam a ngaihsante hla cover zel a tum tih a sawi bawk.