Jesus Culture Worship Leader-ten Hla thar pahnih tlangzarh

Jesus Culture Music chuan Capitol Christian Music Group-te nen ṭangkawpin hla thar pahnih an tlangzarh.

Jesus Culture Worship Leader- Chris Quilala leh Kim Walker-Smith-te chuan an hla thar pahnih hi an tichhuak a, Quilala hian 'Nothing But Good' chu tlangzarh hmasain Zirtawpni khan Walker-Smith hian 'Insatiable' chu a tichhuak ve leh. 

Ningani aṭanga Inrinni chhung khan Jesus Culture Con­ference "More Than A Moment" chu neih a ni a, hetah hian heng hla thar an tihchhuah pahnihte hi an sa uar hle. Chris Quilala chuan,"Thudik awm reng chu Pathian hi a ṭha reng a ni," tiin a hla thar chungchang hi a sawi a, Sam 23-na chungchang sawiin, Pathian chuan kan bula awm reng a tiam a, kan no chu a chanve ni loin a luangliam ang tia sawiin, a ṭhatna leh hmangaihnain kan no a luanliam tir reng dawn a ni, tiin a sawi. Ka tan Pathian hi a ṭha em em a, a ṭhatna leh a rinawmna chuan heng kum chhung zawng han min chenchilh a ni, a ti.

Kim Walker-Smith pawhin a hla thar 'Insatiable' chu Mitch Wong, Dustin Smith, leh Chris McClarney-te phuah a nih thu sawiin hla hlu tak a nih thu a sawi. Pathian chuan kan thinlung zawng zawng a nei vek thei a ni, kan thinlung nei turin engkim a huam a ni, tiin a hla thar chung­chang a sawi ve bawk.