Aizawl Area Baptist Choir-ten Music Video Album tichhuak

Aizawl Area Baptist Choir (2016-19)-te chuan Nimin khan music video album 'Kan lawm e Lalpa' tih chu an tichhuak.

'Kan lawm le Lalpa' album hi BCM Biakin, Zonuamah Rev. Dr. K. Lalrinthanga, BCM President elect chuan Pathian hnena hlanna leh tlangzarhna a nei. Album hi pendrive a hralh chhuah tura siam a ni. Baptist Choir Aizawl-te hian album 4 tichhuak tawhin, tun ṭuma an tihchhuahah hian hla 14 a awm. An hla tam ber hi Kings & Prophets studio-a an record a ni a, video hi Mawitea, Bsa leh Tbc Tea-te kut chhuak a ni. He album-ah hian 'Daipawnah' tih hla phuahtu an conductor hla thar bakah Mizo irawm chhuak hla te leh sap hla lehlinte an dah hlawm. 

Aizawl Area Baptist Choir-te hian mimal leh Kohhran-ten Pathian chibai bukna thuk zawk an neih theih beiseiin album hi an tichhuak a, hla pawh hetiang lam hawi hi an dah hlawm. Mi beidawng leh lungngai, mahni nunna hial lak duhte an awm chhoh ve tak zel avangin Pathian thu chah hlaa puan chhuah ve ngei ṭha an tih avangin ablum hi an buatsaih ta a ni.