Avril-i'n a cousin tharte tan Christmas dinner 'host' dawn

Avril Lavigne chuan a cousin hriat tharte pahnih- Justin Bieber leh Ryan Gosling-te tan Christmas dinner a 'host' dawn thu a sawi.

Justin Bieber hian September 1 khan thlahtute chhuina 'Ancestry.com' aṭangin Avril Lavigne leh Ryan Gosling-te chu a chhungte a nih thu a hre chhuak a, a instagram-ah 'vawiin hi ka ni ṭha ber a ni,' tiin a hlimzia a post hial.

Avril chuan Justin-a post hi a hmuh velah, 'kumin hian Christmas dinner ka host dawn e,' tiin a reply. Bieber-a manager Scooter Braun leh a ṭhianṭha Mike Posner pawhin a thil hmuhchhuah hi an lawmpui thu comment-na lamah an sawi lang ve.

'Ancestry.com' aṭanga a lan dan chuan Ryan hi Justin-a cousin 11-na a ni a, Avril hi a cousin 12-na a ni bawk. Justin-a nu Pattie Mallette lam aṭanga a chhungte an ni. Justin-a fan ṭhenkhatte erawh chuan zaithiam Avril Lavigne,  Hollywood actor Ryan Gosling leh Justin Bieber-te hi chhungkhat an nih thu kum 2011 khan an hriat tawh thu an sawi ve bawk.