Hillsong UNITED The People Tour: Live from Madison Square Garden

Kristian rimawi hmanga rimawi khawvel altu Hillsong UNITED chuan nimin khan The People Tour: Live from Madison Square Garden album an tlangzarh. 

Hillsong UNITED hian April, 2019 khan People album an tlangzarh a, Chart hrang hrangah a che ṭha hle a, US Billboard 200 chart-ah pawh pahnihnate a ni pha hial. Christian chart-ah phei chuan tlangzarh a nih hlimah khan topper a ni deuh vek.

He an album tour hi nei nghalin an tlangzarh thlaah vek khan UNITED hian hmun pawimawh hrang hrangah tour an nei chhunzawm nghal. Kum thum dawn US-ah hian show an neih tawh loh hnua show buatsaih an ni bawk a, show an neihna hmun Staples Center, NYC Madison Square Garden leh D.C The Anthem-ahte chuan ticket an hralh zo hneh hle. Hemi ṭuma Madison Square Garden-a an concert hi film-a siamin nimina live album an tlangzarh rual hian an tlangzarh ve nghal a YouTube-ah a duh apiang tan thlira ngaihthlak theihin a awm.

The People Tour: Live from Madison Square Garden concert film hi nimin khan YouTube-ah an dah chhuak a, Act I-IV thlenga ṭhen hrangin Act pakhat hi video pakhat ang zelin an dah. Hillsong UNITED YouTube channel-ah en theihin a awm a ni.

People Album hi an hla lar sa emaw zat an dahkhawmna album a nih avangin Mizo ṭhalaite 'Worship song' hriat larsa tam tak an sa a, chung zingah chuan 'What a Beautiful Name', 'Oceans', 'So Will I' leh 'From The Inside Out' te pawh a tel.

People hi Australian contemporary worship music band Hillsong UNITED live album 14-na a ni tawh a, Sydney-a Hills Campus-ah November 18, 2018-a an record tawh kha niin April, 2019 khan an tlangzarh a ni.

Spotify thawhpuiin he album-a hla ṭhenkhat hi acoustic version-in July, 2019 khan an tichhuak tawh a, music video pawh pali lai an tichhuak tawh.

Kum 2019 khan GMA Dove Awards-ah Worship Album of the Year atan thlan a ni.

-    Ready Or Not

-    Wonder

-    Relentless (Remix)

-    Touch Sky

-    Behold (Then Sings My Soul)

-    Whole Heart (Hold Me Now)

-    Highlands (Song Of Ascent)

-    Broken Vessels (Amazing Grace)

-    Another In The Fire

-    What A Beautiful Name

-    Not Today

-    As You Find Me

-    The Stand

-    From The Inside Out

-    Came To My Rescue

-    Rain / Reign

-    O Praise The Name (Anástasis)

-    Starts and Ends

-    So Will I (100 Billion X)

-    With Everything

-    Oceans (Where Feet May Fail)

-    Good Grace

-    Echoes (Till We See The Other Side)