Kpop: Girlgroup Blackpink chuan record thar an siam leh ta

Blackpink YouTube channel chu Music Group subscriber ngah ber niin, 'One Direction' an rawn lehpel.

Nimin thleng khan an official YouTube channel hian subscriber  29,855,555 neiin, Blackpink hi Asia-a Music Channel subscribe tam ber a nih bakah, khawvel pumah music Channel subscriber ngah pakuana an ni phak bawk. He din­hmun hi kum thum chhung lekin an thleng thei a ni.

Blackpink hi kum 2016-a din niin member pali Jisoo, Jennie, Rose leh Lisa-te an ni a, hlawhtlinna tam tak an nei tawh a ni.  YouTube-a music channel subscriber ngah ber chu Justin Bieber niin mi maktaduai 46.4 in an subscribe a, Ed Sheeran chuan dawtin maktaduai 41.8 a nei. Subscriber ngah zual 10 zingah hian Eminem, Marshmello, Ariana Grande, Taylor Swift, Katy Perry, Rihanna, Blackpink leh One Direction-te an lang bawk.