Billboard 200 chart Tool 'Fear Inoculum'-in Taylor Swift lehpel

American Rock band Tool chuan an album tihchhuah thar 'Fear Inoculum' hmangin Billboard 200 album char-ah No. 1 an hauh a, Taylor Swift 'Lover' chu an lehpel a ni.

'Fear Inoculum' hi kum 13 zet a liam hnua Tool-in an studio album tihchhuah leh hmasak ber a ni a, an studio album pangana a ni bawk. Heti chung hian duhtu an la tam tih a hriat a, Taylor Swift 'Lover' chu pahnihnaah a tlahniam ve thung.

Tool hian 'Fear Inoculum' hi August 30 khan an tlangzarh a, hla awm zawng zawng hi an vocalist Maynard James Keenan phuah vek a ni. Physical version-ah track pasarih an dah laiin Digital version-ah chuan track 10 an dah thung a ni.

Physical version-ah hian instrumental pakhat an dah laiin Digital version-ah hian instrumental pali an dah. Tlangzarh a nih karah copy 2,70,000 zet an hralh nghal. An album tihchhuah tawh zawng zawng hi Billboard 200-ah Top 20 inhlangkai phak vek a ni a, 'Fear Inoculum' hi chart-a pakhatna an nihpui theih album pathumna a ni bawk.