Britney Conservator aṭangin a pa a bang!

Britney Spears pa Jamie Spears chuan Britney in leh lo chungchanga thuneihna (Conservator) a neih chu kar kal ta khan a bansan tih khawtlang media-te chuan an tarlang.

Kum 2008 aṭang khan Jamie Spears hi Britney in leh lo chungchanga thu­neitua dah a ni a, a inhnuh­dawh hnu Septem­ber 9 khan Los Angeles Superior Court-a hearing neih a ni a, Jodi Montgomery chu a pa aiawh (Conservator) lailawk tura tih a ni.

Judge Brenda Penny chuan Conservator hna chu, duh duhina an kal pawh theih lohna tura khuahkirhte, kal phalna lak te, meeting Britney-in a neihna tur emaw a kal duhna hmun tura Conservator-in a hriatpui zel a ngaih thute a sawi.

Heng bakah hian Montgo­mery chuan a duh chuan Britney tan hian security guard a ruai theih thu a sawi tel bawk. Conservator a ruat lailawk Jodi Montgomery hian January 31, 2020 tleng a hna hi a chelh ang. Britney pasal hlui  Kevin Federline chuan August 24 khan, Jamie hi a fapa Sean Preston chunga dik lo taka cheah a puh vangin a bang ta nia sawi a ni.

Thawhṭanni khan Dis­trict Attorney chuan Jamie chungchang hi enfiahin, Britney pa hi case a siam­sak zui ta lem lo a, mahse  Britney fate kum thum chhung hmu thei lo tura tih a ni. Brintey fate hi Kevin-a inah dah an ni bawk.