Justin Timberlake-a'n Album thar a buaipui mek

Jimmy Fallon 'The Tonight Show'-a virtual-a a inlanaah Mirror hitamker Justin Timber-lake chuan album thar a buaipui mek tih a sawi.

Zirtawpni liam ta zanah khan Timberlake hi The Tonight Show-ah a inlan a, a film thar Palmer tihlarna tura inlan niin Fallon nena an inkawmnaah hian album thar a siam mek thu hi a sawi a, Jessica Biel nena an naute thar chungchangte pawh a sawi bawk.

Fallon hian album thar beisei chi a ni em tiha a zawhna chu chhangin studio-ah a lut chhuak deuh reng tih a sawi a, hla eng emaw zat a enchhin tawh niin a sawi a ni. Timberlake hian kum 2018-a Man of the Woods a tlangzarh hnu khan album thar a la tlangzarh leh lo a, Fallon nena an inkawmnaah hian Kendrick Lamar emaw Travis Scott emaw a thawhpui chak thute a sawi lang tel nghe nghe a ni.