Cloverfield chhunzawmna siam dawn

Kum 2008-a tlangzarh film lar tak,  Cloverfield  chhunzawmna tur chu buaipui mek a ni a, producer J.J. Abrams chuan hemi atan hian hma la mekin  Joe Barton chuan script a ziak dawn a ni.

Variety chuan hemi chung-chang hi tarlangin Adbrams hian Bad Robot film siamnaa buaipuitu ber Hannah Minghella a thawhpui dawn tih an sawi a, mahse film hmasaa found-footage format an hman erawh an kalsan dawn thung niin an tarlang tel bawk.

Monster movie Cloverfield hi kum 2018-a tlangzarh a nih khan a 'hit' hle a, $mtd 172 lai box office aṭangin a lalut a ni. Cloverfield universe-ah hian film pahnih dang Cloverfield Lane leh The Cloverfield Paradox-te chu tlangzarh a ni tawh. Mahse heng film-te hi Cloverfield film chhunzawmna an ni lo a, film hrang daih ni mah se Cloverfield puanzar hnuaa dahkawp niin film khawvel pakhata dah khawm an ni thung.

Michael Stahl-David, Odette Yustman, T.J. Miller, Jessica Lucas, Lizzy Caplan, leh Mike Vogel-te channa film kha $mtd 25 chiah senga an siam ni mah se a hlawhtling hle a, tuna a chhunzawmna an buaipui mek pawh hi en chak an tam hle ang tih a rinawm a, a  hit leh phian mai thei a ni.