Lana Del Rey album UK chart-a no.1 ni thei palina 'Norman F--king Rockwell'

American singer Lana Del Rey chuan a album tihchhuah thar 'Norman F--king Rockwell' chu kar hmasa khan UK album chart-ah pakhatna nihpuiin, UK album chart-a pakhatna a nihpui theih album pali a neihna a ni ta.

Ed Sheeran-a 'No 6 Colloboration Project' chu pahnihna niin, Billboard lama che ṭha Taylor Swift 'Lover' chu pathumna a ni thung. 

Billboard 200 Album chart-a 'Lover' nekchhuaktu Tool 'Fear Inoculum' chu UK Chart lamah chuan palina a ni bawk.

'Norman F--king Rockwell' hi Lana Del Rey studio album parukna a ni a, August 30 khan a tlangzarh.

He album-ah hian a single tihchhuah tawh pali a dah tel a, a vaiin hla 14 a dah. Lana Del Rey style kan hria a, a album tharah pawh hian a style a thlak em em lo. Billboard 200 Album chart-ah chuan No.3 a ni mek a, Del Rey zai ngainatu tan chuan  'Norman F--king Rockwell' pawh hi belhchian dawn tak a ni.