Salvation Army-ten Festival of Praise nei dawn

The Salvation Army, India Eastern Territory chuan zanin dar 7-ah hian Dawrpui Multipurpose Centre-ah 'Festival of Praise' an buatsaih dawn.

He hunah hian Territorial Staff Band-te chuan zai kaihhruaina zawng zawng an bultum dawn bakah, Pathian fakna rimawi an play ang. Mizoram Salvation Army huangchhunga music force hrang hrang- Territorial Staff Songsters, Central South Division Songsters leh Central North Division Songsters-te chuan he hunah hian Pathian fakna an hlan ang.

Salvation Army huangchhung mai bakah Besy Choir, The Leprosy Mission Choir-te pawh an zai dawn a, Lalduhsaki, Joe Ralte leh Esther-ite pawh an zai bawk dawn a ni.