Pamela Anderson leh Jon Peters

'Baywatch' star Pamela Anderson leh Hollywood producer Jon Peters-te chu Thawhṭanni khan Malibu-ah an innei.

An innei dawn tih hi an puangzar lawk lem lo a, Thawhṭanniah pawh hian inneihna hi a rukin an buatsaih a ni. Inneih inkhawmah hian Pamela fate- Brandon leh Dylan pawh an tel a, Jon-a nupui hlui producer Christine Forsyth-Peters leh an fanute- Caleigh leh Skye-te pawh an tel.

Pamela leh Jon hi kum 30 kal taah khan an lo inngaizawng tawh ṭhin a, thla rei vak lo liam taah khan an in 'renew' leh a, Thawhṭanni khan an innei ta a ni.

Jon Peters hi  'A Star Is Born' producer kha a ni a, kum 74 mi lai ni tawhin an inneih thu hi amah ngei hian a sawichiang tawh bawk. Pamela Anderson pawh hi kum 52 a ni tawh a, ani pawh hian an inneih thu hi a sawichiang ve tawh bawk a ni.

Pamela hian a hmain pasal pathum- Tommy Lee, Kid Rock leh Rick Salomon-te pawh a lo nei tawh bawk.