Zualbawihi Music Video thar tur 'SE SE'
Mizo Idol star Zualbawihi chuan kumin chhunga a official music video hmasa ber tur 'SE SE' chu a peihfel tawh a, thlira ngaihthlak theih turin a chhawp chhuak ṭep.
He music video hi a buaipuina a rei tawh hle a, kum hnih liam ta aṭang khan hma a la ṭan tawh a, tunah erawh a tichhuak thei dawn ta a ni.
SE SE hi John Mawitea leh Mapuii Fanai-te nupa phuah a ni a, music hi Lal K Sailo kut chhuak a niin; Foster Recording-ah recording tiin music video hi Osiama Pictures kut chhuak a ni bawk.
Nula leh tlangval inhmangaih tak, biahthu inhlan kham thei lo, len dun kham thei lo, induh tawn em emte tana phuah a ni a; khawchhak lam hla thluk ang deuhin an siam.
Zualbawihi music video thar hi ni hnih shooting neih a ni a, Zoram mipuite'n kan la hmuh ngai loh Aizawl khawchhunga Building thar nalh takah shooting neih a ni. Model thar duhawm tak kan hmu dawn bawk.
Tun atanga rei loteah Zorimawi Channel-ah leh Zualbawihi Official Channel-ah upload a ni ang.
Mizo video thlir hlawh ber chu
Lalchhanchhuaha nena Don't Cry Joni an cover chu tunah hian Mizo video, YouTube a thlirtu tam ber a ni mek a, mi maktaduai 30 zetin an thlir tawh.
February 22, 2017-ah khan YouTube-ah dah a ni a, nimin thleng khan thlirtu 30,200,134 an awm tawh a ni.