Sahitya Akademi-in Dr VR Râlte an sawm

Sorkar laipuia Ministry of Culture hnuia awm, ram pum huap thu leh hla lama pawl lian ber SAHITYA AKADEMI (National Academy of Letters), New Delhi  chuan kumtina an neih thin ‘Thu leh Hla Kutpui’ – ‘Sahityotsav’ (Festival of Letters)-ah Dr. VR Râlte an sawm.

He hun hi February 24-29 chhung hian neih a ni dawn a, February 24-26 inkarah hian Tribal Writers’ Meet’buatsaih a ni dawn bawk. Hetah hian Dr.VR Râlte-in ama phuah Mizo Hlachham a chham ang a, chu chu Hindi leh English-a lehlinin a chham zui nghal bawk ang.

Nilaini hian “Aadivasi Samvednayein Aur Mithak” (Tribal Sen­sibilities And Mythology) tih thupui sawi tura tih a ni bawk.