Netflix-in subscriber mtd 139 nei

American media-services provider ṭhangduang tak, Netflix chuan subscri­ber maktaduai 139 a nei tling der tawh. 

Netflix hian tun hnaiah subscriber mtd 8.84 zet an neih belh a, an punna hi 26% zet a ni. US-ah ringawt pawh mtd 1.53 zetin subscriber hi an pung a, khawvel hmun hrang hrang aṭangin mtd 7.31 zet an awm belh bawk. Hengte nen hian a vaiin subscriber mtd 139 an chuang tawh a ni. 

Netflix hian January - March chhungin subscriber mtd 8.9 vel neih belh an inbeisei bawk a, revenue pawh 27% vela  a pun rin a ni. Hei hi a pawisa chuan tld $4.19 zet a ni a, a namai lo hle. Revenue hi nikum chhung khan 35% zetin a puang a, a pawisa chuan tld $16 zet a ni bawk. 

Hetih lai hian tun hnai khan subscribe man an tisang a, hei hian nghawng a nei dawn em tih chu hriat theihin a awm thuai dawn a ni.