Kum 2022-ah Titanic II

Kum 1912 daih tawha thil theng ni mah se, khawvelin Titanic lawng chetsualna rapthlak kha a la theihnghilh lo. He vanduaina thleng behchhan hian film hial siam a ni a, Leonardo DiCaprio leh Kate Winslet te channa hi khawvela film hlawhtling ber zingah a invawrhkai a ni.

Australian sumdawng hausa Clive Palmer chuan Titanic lawng a siam thar ve leh a, a hming pawh Titanic II tih a ni. He lawng hi kum 2012 aṭang khan Blue Star Line chuan a siam hna an thawk ṭan a, sum leh paiah harsatna an tawh avangin duh angin hma an la chak thei lo. Hun eng emaw chen an chawlhsan lailawk hnuah an hna hi an chhunzawm leh thei tawh a, an zawh hun tur thlengin an puang thei ta a ni. Ruahman dan chuan kum 2022-ah chuan peihfel hman a ni ang. 

Titanic II hi zawhfel a nih hunah chuan mipui nawlpui chuan theih turin chhawpchhuah a ni dawn a, Titanic lawng chetsualna North Atlantic Ocean-ah vek a tlan ve leh dawn a ni. Titanic II hi Dubai aṭangin Southampton, England panin a chhuak ang a, New York khawpuiah a tawp dawn a ni. 

Titanic II siam nan hian $mtd 500 zet ruahman a ni a, a hma ami ang thei ber turin duan a ni. Ballroom, theater leh swimming pool te pawh a awm vek dawn bawk.