Saturday Night Live-ah Justin Bieber leh Luke Combs

23rd January, 2020

Saturday Night Live-ah country singer Luke Combs leh pop star Justin Bieber-te an inlan dawn.

Luke Combs hi February 1 hian a inlan dawn a, a inlan ṭum khatna tur a ni ang. Justin Bieber erawh hi chu a inlan ṭum thumna tur a ni tawh dawn a, February 8 hian a inlan ang. Combs inlan zanah hian Houston Texas superstar JJ Watt chu host a ni dawn a, Bieber inlan zanah hian a ṭum khatna atan RuPaul chu host a ni ve dawn bawk.

Saturday Night Live 2020 season hi tunkar tawp aṭang hian NBC-ah pekchhuah leh ṭan a ni dawn a, Halsey chu inlan hmasa ber tur niin tun season atana musical guest hmasa ber tur a ni. Star Wars: The Rise of Skywalker star Adam Driver chu host a ni dawn thung.