Trump-te nupain rangkachak-silver thlengah chaw ei dawn!

Vawiin aṭanga India-a rawn zin tur US President Donald Trump leh a nupui Melania Trump-te chu rangkachak leh siver aṭanga siam bungbelah ei tur pek an ni dawn.

Jaipur designer Arun Pagwal chuan kar thum lai US President-te nupa tan hian special cutlery a buatsaih tawh a ni. Zanriah leh tukṭhuan atan hian a bik taka siam 'royal thali' chi 21-a buatsaih a ni bawk.

Arun hian tun hma pawhin US president-te pual hian an ei leh inna tur hi a lo siam tawh ṭhin a, kum 2010 leh 2015-a President Barack Obama a lo zin pawh khan an ei leh inna tur hi a lo siamsak tawh a ni.

Trump-te nupa ei leh inna tur hian a  bik taka rangkachak leh silver-a siam round plate, bowl, spoon, forks, glass , tissue paper holder-te an siam a, hetah hian an hming a chuang vek dawn a ni.

Hei mai hi a ni lo a,  thei chhawpna (fruit tray), theitui dahna (juice mug), sweet tray, coffee/tea cup set-te pawh an pual hian an siam vek dawn a ni.