Drop Doubt leh Remruata Fanai-ten Hla thar tichhuak dawn

Mizo progressive rock band ṭha berte zinga mi Drop Doubt chu hun rei tak an reh hnuah Remruata Fanai thawhpuiin hla thar an tichhuak dawn.

An hla thar tihchhuah tur hi 'Min hriatnawn tir ṭhin' tih a ni a, Laldawngliana phuah niin Zoremmawia'n a produce a ni. Drop Doubt hian 2012 khan 'Hringnun' an tichhuak a, khami hnu khan hla thar an la nei leh lo. 'Min hriatnawn tir 

ṭhin' tihah hian an vocalist Ms-a erawh a inlan dawn lo a, Rem­ruata Fanai hi a zai thung ang.

Remruata Fanai tan chuan 'Min hriatnawn tir ṭhin' hi a gospel hla tihchhuah pathumna tur a ni tawh dawn thung a, a hmain 'Krista Thisen' leh 'Beiseina nung' lo tichhuak tawhin 'Krista Thisen' phei chu Ṭhazualah No.1 -te pawh a lo nihpui zak zak tawh a ni. 'Min hriatnawn tir ṭhin' music video hi tun thla chhungin tihchhuah hman an tum.