BCM Lawngtlai East Pastor Bial Zaipawl Music Video tlangzarh

BCM Lawngtlai East Bial Zaipawl music video thar chu Inrinni khan JH.Lorrain Hall, Lawngtlai Bazar-ah Rev Lalṭanpuia Colney, Lawngtlai East Bialtu Pastor chuan a tlangzarh.

Tlangzarh In­khawm hi Rbt Elvis Lalthangzuala'n a kaihruai a, MC.Zoram­liana, Bial Zaipawl Conductor in Music Video thlirlawkna a nei bawk. Rev Lalṭanpuia Colney, Bialtu Pastor chuan, sumdawnna rilru pu loa mahni inseng ngam rawngbawlna pawimawh tak mai Bial Zaipawl memberte inpekna avangin Music Video chu thlir theih tura buatsaih a ni chu lawmawm a tih thu sawiin, he Music Video lo thlir a, lo ngaithla tute pawhin thlarau lama hlawkna an chan ngei theihna turin a tlangzarh a ni.

Lawngtlai East Pastor Bial Zaipawl-te hian mahni insengsoin Music Video pali an siam a, heng hla pathum 'Ṭanpui ngai', 'Aw tlang Kalvari' leh 'Chhanchhuah ngai' tihte hi Rbt B.Sakhawliana phuah a ni. Hemi bakah hian 'Bermo Medley' a tel bawk. Heng Music Video-te hi hralh sum atan buatsaih ni loin Cable TV a en theih tura buatsaih a ni.