Bebe Rexha-i'n Pete Wentz thawhpui leh

American singer-song­writer Bebe Rexha chuan Fall Out Boy bassist Pete Wentz a thawhpui leh thu a sawi.

Bebe Rexha hi a hmain Pete Wentz-a project Black Cards-ah Pete-te nen hian an lo thawk ho tawh a, nuam a ti hle ṭhin ni tur a ni, tunah hian project thar an buaipui dun leh mek a ni. Rexha chuan,"Pete nen thil thar tihchhuah tur atan kan thawkdun leh mek a, lo ngaichang rawh u," tiin a sawi.

Eminem leh Rihana-te hla 'The Monster' khan Bebe Rexha phuah hi a ni a, miin an hriat ṭanna pawh a ni, tunah erawh celebrity zinga ngaihven hlawh ber pawl a ni tawh. Rexha hian Lois Tomilson, Nicki Minaj, The Chainsmokers leh zaithiam lar tak tak a lo thawhpui tawh a, a hit hle zel lehnghal a ni. Hemi a nih avang hian Pete Wentz nena an thawhdun mekna pawh hi a hit leh hle turah ngai ila kan ring sual awm lo e.