Robert Downey Jr 'Iron Man' Kan hmu leh dawn?

American actor Robert Downey Jr chu nakkuma American superhero film tihchhuah tur Black Widow movie-ah Tony Stark lemah a chang leh dawn niin khawthlang media-te chuan an tarlang.

Chumai a la ni lo! Scarlett Johansson pawh Natasha Romanoff lemah a chang leh dawn bawk a nih hmel. Tony Stark leh Natasha-te hi Avengers: Engame-a damchhuak lo zingah khan an tel ve ve a, mi tam takin MCU-ah kan hmu tawh dawn lo emaw kan tih hnuah an inlan leh dawn a nih hmel a, fan-te tan chuan thu lawmawm tak a ni ngei ang.

Black Widow movie hi Captain America: Civil War dawt chiaha thil thleng anga chan tur a nih avangin Robert Downey Jr leh Scarlett Johansson MCU-a an rawn kir leh tur pawh hi thil mak lutuk erawh a ni hran lo. Black Widow film hi nakkum May 1-a tlangzarh hman an tum a ni.