Gibson-in Slash signature guitar thar tlangzarh
American guitar company lar Gibson chuan GnR guitarist Slash signature guitar thar '1966 EDS-1275 Doubleneck' an tlangzaah.
1966 EDS-1275 Doubleneck hi October 1 aṭang hian Gibson dealer thlan bikte hnen aṭanga mipuite lei theih tura chhawpchhuah tum a ni. Slash pawhin Gibson company nen an thawk dun thei chu a lawm thu a sawi.
Gibson chief merchant officer Cesar Gueikian chuan, "Slash hian khawvel hmun hrang hranga Gibson guitar ngainatute a chawk phur a ni. Slash a signature thar kan tihchhuah hian ṭhangtharte hnenah Gibson guiter ṭhat zia a pholang zel dawn a ni," a ti.
'1966 EDS-1275 Doubleneck' guitar hian ban hnih a nei a, hrui 12 a nei bawk. A body leh a banah hian 'mahogany' thing hman a ni a, nitrocellulose lacquer a hnawih chhuah a nih mai bakah a ban rekah Indian rosewood pawh hman a ni. A pickup-ah Custombucker Alnico II hman a ni bawk.